Pune News : खळद, ता.२६ : साकुर्डे (ता.पुरंदर) येथील भैरवनाथ मंदिराजवळ रविवारी (ता.२४) उंड्री गावचे माजी सरपंच, पुणे जिल्हा नियोजन समितीचे सदस्य निवृत्ती बांदल यांच्या प्रमुख उपस्थितीत गावातील सुमारे १००० जनावरांना उसाचे प्रत्येकी पाच वाढे प्रमाणे सहा हजार भेळ्याचे वाटप करण्यात आले तर येथील परिस्थिती समजून बांदल यांनी येणाऱ्या पुढील आठवड्यामध्ये साकुर्डे गावातील जनावरांसाठी मोफत चारा वाटपासाठी एक ते दीड लाख रुपयांचा निधी जमा करून देण्याचे जाहीर केले.

दुष्काळामुळे साकुर्डे येथे जनावरांच्या चारा आणि पाण्याची भयंकर समस्या निर्माण झाली आहे. यावर पुणे जिल्हा राष्ट्रवादी युवक शरदचंद्र पवार गटाचे उपाध्यक्ष युवराज जगताप आणि सरपंच सचिन थोपटे यांनी पुढाकार घेतला.

यावेळी साकुर्डेचे माजी सरपंच मारुती सस्ते, राजेंद्र सस्ते, अरुण मांढरे, राष्ट्रवादी युवकचे अशोक धुमाळ, प्रसाद सस्ते, प्रकाश थोपटे, अमित थोपटे, विश्वास सस्ते, पंढरी लोंढे, एकनाथ सस्ते, तुषार लोंढे, वनिता लोंढे, अनिल चव्हाण, राजू पाटील आणि ग्रामस्थांच्या उपस्थितीमध्ये गावांमध्ये मोफत चाऱ्याचे वाटप करण्यात आला. दरम्यान, यावेळी सुरेश सस्ते, संभाजी सस्ते, सुरेश ना. सस्ते आदींनी  शेतकऱ्यांच्या व्यथा सर्वांच्या समोर मांडल्या.
पुणे जिल्हा राष्ट्रवादी युवक शरदचंद्र पवार गटाचे उपाध्यक्ष युवराज जगताप यांनी प्रास्ताविक तर सरपंच सचिन थोपटे यांनी आभार मानले.