Mantha News : संपूर्ण राज्यासह मंठा तालुक्यात सप्टेंबर २०२४ मध्ये अतिवृष्टी झाली होती. या अतिवृष्टीमध्ये शेतकऱ्यांचे मोठे नुकसान झाले होते. मात्र, याची अद्यापही शेतकऱ्यांना भरपाई मिळाली नाही.

त्यामुळे मंठा येथील शेतकरी कृषी उत्पन्न बाजार समितीचे माजी संचालक दत्ताराव बोराडे व महादेव बोराडे यांनी शेतकऱ्यांच्या वतीने तहसीलदार सोनाली जोंधळे यांना निवेदन दिले. निवेदनात म्हटले आहे की, शासनाकडून नुकतीच सदरील नुकसानीची यादी जाहीर करण्यात आली आहे. त्यामध्ये मंठा मंडळ वगळण्यात आले आहे.

मंठा मंडळाचा तत्काळ अतिवृष्टी नुकसान अनुदानामध्ये समावेश करावा. अन्यथा या मागणी करिता मंठा मंडळातील तहसील कार्यालयासमोर बेमुदत उपोषण सुरू करतील, असा इशारा दिला आहे.

निवेदनावर आबासाहेब बोराडे, नानासाहेब बोराडे भगवानराव बोराडे, बाळासाहेब बोराडे, काशिनाथ बोराडे, संतोष बोराडे, संजय बोराडे, दत्तात्रेय बोराडे, सचिन बोराडे, शरद बोराडे, विजय बोराडे, रंगनाथ घनवट, महादेव बोराडे,

जगन्नाथ घनवट, सर्जेराव बोराडे, बालासाहेब घनवट, शरद बाहेकर, महेश बोराडे, शिवाजी शेजुळ, पुंडलिक बोराडे, विष्णु बोराडे, विष्णू शेजुळ, महादेव बोराडे, सिराजखान पठाण, महादेव शेजुळ, सुखदेव बोराडे, शिवाजी बोराडे, किरण बोराडे आदींच्या स्वाक्षऱ्या आहेत.