Dhangar Reservation Protest in Jalna  : धनगर समाजाचा एसटी प्रवर्गात समावेश करण्याच्या मागणीसाठी राज्यभरात आंदोलन सुरू आहे. या आंदोलनाला आज जालना जिल्ह्यात हिंसक वळण लागले. जालना शहरात काढण्यात आलेल्या मोर्चादरम्यान जिल्हाधिकारी कार्यालयात तोडफोड करत दगडफेक केली.

धनगर समाजाला अनुसूचित जमातीच्या (ST) आरक्षण अंमलबजावणी करण्यासाठी जालना शहरात भव्य मोर्चाचे आयोजन करण्यात आले होते. महात्मा गांधी चौकातून या मोर्चाला सुरुवात झाली.अंबड, चौफुली मार्गे जिल्हाधिकारी कार्यालयापर्यंत हा मोर्चा काढण्यात आला आहे.

मोर्चा दरम्यान, धनगर समाजाच्या मागण्याचे निवेदन स्विकारण्यासाठी जिल्हाधिकारी न झाल्याने आंदोलक आक्रमक झाले. त्यांनी कार्यालयाच्या परिसरातील तोडफोड केली. त्यानंतर दगडफेक करण्यात आले. पोलिसांकडून परिस्थिती नियंत्रणात आणण्यासाठी प्रयत्न केले. त्यामुळे शहरात तणावाचे वातावरण निर्माण झाले.