Parbhani Cotton Market : परभणी जिल्ह्यातील कापसाच्या बाजारपेठांमध्ये कापूसदर दबावातच आहेत. मॉन्सू्न्नोत्तर पावसात भिजलेल्या कापसाला किमान दर सहा हजार रुपयांपेक्षा कमी मिळत आहे. चांगल्या प्रतीच्या कापसाचे कमाल दर सात हजार रुपयांवर आहेत.
सोमवारी (ता. १) मानवत कृषी उत्पन्न बाजार समितीमध्ये कापसाची २२०० क्विंटल आवक होऊन प्रतिक्विंटल किमान ६००० ते कमाल ६६०० रुपये तर सरासरी ६३०० रुपये दर मिळाले. शुक्रवारी (ता. २९) कापसाची २९०० क्विंटल आवक असताना प्रतिक्विंटल किमान ७०२५ ते कमाल ७१०० रुपये तर सरासरी ७०५० रुपये दर मिळाले. गुरुवारी (ता. २८) कापसाची ५७०० क्विंटल आवक होऊन प्रतिक्विंटल किमानन ५७०० ते कमाल ६६०० रुपये तर सरासरी ६४५० रुपये दर मिळाले.
सेलू बाजार समितीत पावसात भिजलेल्या कापसाला मंगळवारी (ता. २) प्रतिक्विंटल ५९५५ ते ६८०० रुपये तर न भिजलेल्या कापसाचे दर प्रतिक्विंटल किमान ६९८० ते कमाल ७०९४ रुपये तर सरासरी ७०२५ रुपये मिळाले. भिजलेल्या कापसाला सोमवारी (ता. १) प्रतिक्विंटल ५७०० ते ६७०० रुपये दर मिळाले.
न भिजलेल्या कापसाला प्रतिक्विंटल किमान ६८०० ते कमाल ७०५५ रुपये तर सरासरी ६९७५ रुपये दर मिळाले. भिजलेल्या कापसाला बुधवारी (ता. २७) प्रतिक्विंटल किमान ५८०० ते कमाल ७००० रुपये दर मिळाले तर न भिजलेल्या कापसाला प्रतिक्विंटल किमान ७०२० ते कमाल ७१५० रुपये तर सरासरी ७१४० रुपये दर मिळाले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.