Buldhana Market News : शेगाव कृषी उत्पन्न बाजार समिती (Shegaon Agricultural Produce Market Committee) व महाराष्ट्र स्टेट को-ऑपरेटिव्ह मार्केटिंग फेडरेशन यांच्या संयुक्त विद्यमाने माटरगाव उपबाजार येथे शनिवारी (ता. २५) शासकीय हमीभाव योजनेअंतर्गत हरभरा खरेदीचा प्रारंभ करण्यात आला.

बाजार समितीचे प्रशासक बी.एन.कोल्हे यांच्याहस्ते व बाजार समिती सचिव विलास पुंडकर व खरेदी विक्री संघाचे व्यवस्थापक मनोहर ताठे यांच्या प्रमुख उपस्थितीत कार्यक्रम झाला.

यावेळी केंद्रावर हरभरा विक्रीसाठी आणलेल्या शेतकरी राजू जयस्वाल (रा. भोनगाव), प्रकाश निंबाळकर (रा. पहूरपुर्णा), माजी सभापती गजाननराव भटकर यांचा बी. एन. कोल्हे, विलास पुंडकर यांनी सत्कार केला. यावेळी अनंत शेगोकार, नागोराव डाबेराव, दीपक कडाळे, रितेश मेटांगे, शिपाई प्रशांत घोडेराव उपस्थिती होते.

या केंद्रावर जवळपास १५०० शेतकऱ्यांनी हरभरा विक्रीसाठी ऑनलाइन नोंदणी केली असून जवळपास दैनंदिन १ हजार क्विंटल शेतमाल मोजण्याचे बाजार समितीचे नियोजन आहे. असे आवाहन सचिव पुंडकर यांनी केले आहे.