Baramati News : भारतीय कृषी संशोधन परिषदेमार्फत अखिल भारतीय समन्वयित मधमाशी व परागीभवन करणारे कीटक प्रकल्पाची नुकतीच वार्षिक आढावा बैठक हिमाचल प्रदेशातील पालमपूर कृषी विद्यापीठ येथे घेण्यात आली.

त्या वेळी बारामती कृषी विज्ञान केंद्राला मधमाशी कार्यासाठी पुरस्कार देण्यात आला. हा पुरस्कार बारामती केव्हीकेचे पीक संरक्षण तज्ज्ञ डॉ. मिलिंद जोशी यांनी भारतीय संशोधन परिषदेचे पीक विज्ञान विभागाचे महासंचालक डॉ. टी. आर. शर्मा यांच्या हस्ते स्वीकारला.

या वेळी पीक संरक्षण व जैवसुरक्षा विभागाचे सहायक महासंचालक डॉ. पूनम जसरोटिया, पालमपूर कृषी विद्यापीठाचे कुलगुरू डॉ. नवीन कुमार, प्रकल्प समन्वयक डॉ. सुनील सुरोशे, राष्ट्रीय मधमाशी मंडळाचे संचालक डॉ. दास, डॉ. प्रदीप चुनेजा, डॉ. अतौर रहमान आदी उपस्थित होते.

या पुरस्कारासाठी अध्यक्ष राजेंद्र पवार, मुख्य कार्यकारी अधिकारी नीलेश नलावडे, कृषी विज्ञान केंद्राचे डॉ. धीरज शिंदे यांनी आनंद व्यक्त करून अल्पेश वाघ, प्रशांत गावडे, सचिन क्षीरसागर व टीमचे अभिनंदन केले.