Jalgaon News : हरातील उशिराची केळी लागवड सुरूच आहे. अर्ली केळी लागवड जून व जुलै महिन्यातच झाली आहे. यंदा केळी लागवड खानदेशात वाढू शकते, अशी स्थिती सुरुवातीपासून होती. यंदा मृग बहर केळीची लागवड ६० ते ६२ हजार हेक्टरवर झाल्याचा अंदाज आहे
सर्वाधिक मृग बहर केळी पीक जळगावातील रावेरात असून, तेथे सुमारे २८ हजार हेक्टरवर मृग बहर केळी पीक आहे. केळीचे दर यंदा उन्हाळ्यातही बरे होते. जुलैत दर वधारले. केळीला चांगला पर्याय कृत्रीम जलसाठाधारकांकडे नाही. यामुळे केळी लागवड कायम आहे. यंदा ती वाढू शकते, असा अंदाज होता.
यंदा मार्च ते मेच्या मध्यापर्यंत दर्जेदार केळीला उठाव होता. या काळात दर स्थिर होते. मृग बहर केळीचे उत्पादनही बऱ्यापैकी आले. जळगाव जिल्ह्यात मृग बहर केळीची काढणी मार्च अखेरीस सुरू झाली. तर कांदेबाग केळीची काढणी गणेशोत्सव, दसरा सणापासून सुरू होत असते.
सध्या पिलबाग, नवती किंवा मृग बहरातील केळीची काढणी यावल, रावेर, चोपडा, पाचोरा, भडगाव, जळगाव, जामनेर, नंदुरबारमधील अक्कलकुवा, शहादा भागात सुरू आहे. या केळीला चांगला दर मिळाला आहे.
अर्ली केळी लागवड अधिक
मृग बहर केळीची लागवड मे महिन्यात सुरू होते. अर्ली लागवड मे महिन्याच्या दुसऱ्या आठवड्यात केली जाते. तर नियमित लागवड जूनपासून सुरू होते. खानदेशात मृग बहर केळीखालील क्षेत्र अधिक असते. तर कांदेबाग केळीखालील क्षेत्र कमी असते. अर्ली केळी लागवड अधिक झाली आहे.
कांदेबाग केळीची लागवड जळगाव जिल्ह्यातील चोपडा, जळगाव, पाचोरा, जामनेर भागात केली जाते. तर मृग बहर केळीची लागवड जळगाव जिल्ह्यातील रावेर, यावल, मुक्ताईनगर, जामनेर, नंदुरबारमधील तळोदा, शहादा भागात केली जाते. केळी लागवडीसाठी केळी रोपांचा उपयोग वाढला आहे.
मजूरटंचाई कायम
मजूरटंचाईचा फटका काही भागात बसला आहे. रोपांच्या किंवा उतिसंवर्धित केळी रोपांच्या लागवडीसाठी चांगले नियोजन करून घ्यावे लागते. यंदा खानदेशात मृग बहरातील केळीची एकूण लागवड सुरूच आहे. अनेकांनी ऑगस्टमध्ये उशिराची लागवड करण्याचे नियोजन केले आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.