Nashik News : वडनेरभैरव (ता. चांदवड) येथे शनिवारी (ता. ३) शिवसेनेचे खासदार संजय राऊत यांच्या हस्ते उत्तर महाराष्ट्रस्तरीय सलादेबाबा बळीराजा गौरव कृषी सन्मान सोहळा होत आहे. अध्यक्षस्थानी गौतम पाटील असतील, अशी माहिती आयोजक मनोहर पाटोळे, उपाध्यक्ष रामचंद्र मोरे, सचिव राहुल पाचोरकर यांनी दिली आहे.

राज्यस्तरीय कार्यक्षेत्र असलेल्या मंडळातर्फे नाशिक, धुळे, जळगाव, नगर आणि नंदुरबार या पाच जिल्ह्यांतील प्रगतिशील तीस शेतक्ऱ्यांना सलादेबाबा कला क्रीडा व कृषी मंडळ ट्रस्टतर्फे सलादेबाबा बळीराजा गौरव कृषिसन्मान पुरस्कार देण्यात येणार आहे. हा कार्यक्रम सायंकाळी साडे पाचला जनता विद्यालय, वडनेर भैरव येथे होईल.

या सोहळ्यास विधानसभेचे उपाध्यक्ष नरहरी झिरवाळ यांची विशेष उपस्थिती असेल. ‘कादवा’ कारखान्याचे अध्यक्ष श्रीराम शेटे, आमदार दिलीप बनकर, ‘मविप्र’चे सरचिटणीस नितीन ठाकरे, माजी आमदार उत्तमबाबा भालेराव, शिरीषकुमार कोतवाल, काँग्रेसचे जिल्हाध्यक्ष (शेतकरी) संपतराव वक्ते, अनिल कदम यांच्यासह मन्यवर उपस्थित राहतील.

‘कादवा’ कारखान्याचे उपाध्यक्ष शिवाजी बस्ते, निवृत्ती माळी, कोंडाजी पाचोरकर, भास्करराव निफाडे, दौलतराव भालेराव यांना कृषी क्षेत्रातील प्रगतिशील शेतकरी यांना जीवनगौरव पुरस्काराने सन्मानित केले जाईल.

सल्लागार दत्तात्रय निखाडे, विश्वस्त दीपक पाचोरकर, सुरेश उशीर, महेंद्रसिंग परदेशी, अनिल पवार, उत्तम भोसले, जमदाडे, कायदेशीर सल्लागार पोपटराव पवार, कार्यक्रमाचे संयोजक दत्तात्रय शिंदे, मानसिंग धोंमसे, युवराज सगर या वेळी उपस्थित होते.