सर्व गावकऱ्यांनी साथ दिल्यामुळे आम्ही प्रथम क्रमांक पटकावू शकलो. भूजल पातळीत वाढ करण्यासाठी पीक पद्धती, सिंचन पद्धती बदलाच्या दृष्टीने प्रयत्न केले व त्यात यश मिळाले.

पिण्याचे पाणी व सिंचन योजनांबाबतीत दुर्लक्षित आमच्या छोट्या खेड्यासाठी ही खूप अभिमानाची गोष्ट आहे. या बक्षिसामुळे आम्हाला हत्तीचे बळ मिळाले.

भूजल पातळीसह देशी वृक्षांचे गाव म्हणून आमची ओळख निर्माण होत आहे. यातूनच ग्रामीण पर्यटन केंद्र म्हणून आमचे गाव नावारूपास येईल.

लोकसहभागातून भूजल व्यवस्थापन करणे, यासाठी या तिन्ही ग्रामपंचायतींनी लोकसहभागाचे एक समर्पित उल्लेखनीय कामगिरीचे उदाहरण ठेवले आहे. हे यश अटल भूजल योजनेत सहभागी प्रत्येक गावात उत्साहाची ज्योत प्रज्वलित करणारी ठिणगी असेल.