Pandharpur News : आपल्या लाडक्या विठुरायाच्या दर्शनासाठी पंढरपूर दिशेनं निघालेल्या संतांच्या पालख्या बुधवारी (ता.२८) पंढरीत दाखल होतील. उद्या पालखीचे गोल आणि उभे रिंगण बाजीराव विहिरीजवळ संपन्न होणार आहेत.

मागील पंधरा दिवस लाडक्या विठ्ठलाच्या भेटीसाठी आतुर झालेले वारकरी भक्तिरसात तल्लीन झाले आहेत. विठ्ठलाच्या भक्तीत तल्लीन भक्तांचा मेळा पंढरीत दाखल होत आहे. संतांच्या पालख्यांच्या स्वागतासाठी संत नामदेव महाराज आणि संत मुक्ताबाई स्वागतासाठी वाखरीला जात असतात.

बुधवारी संत ज्ञानेश्वर आणि संत तुकाराम महाराजांच्या पालखी सोहळा अखेरच्या विसाव्यासाठी वाखरी पालखी तळावर येत आहे. त्यामुळे १४ ते १५ लाख वारकरी पंढरीत जमणार आहेत.

त्यामुळे महाआरोग्य शिबिराचं आयोजन करण्यात आलं आहे. पुढील दोन दिवस वारकऱ्यांच्या आरोग्याची तपासणी करण्यात येणार आहे.

दरम्यान, पंढरपुर तालुक्यात पालख्यांनी प्रवेश करताना विठ्ठल नावाचा गजर आसमंतात दुमदुमला. काल दुपारी बंधुभेट सोहळा आणि वारी वारकऱ्यांसाठी आनंदाचा क्षण असतो.

सोमवारी सकाळी पंढरपुर तालुक्यात संत गुलाब बाबा, संत गोविंद महाराज उपळेकर, संत निळोबा, राम महाराज, चांगा वटेश्वर, संत गवारशेठ या पालख्यांनी प्रवेश केला.