Nanded News : जिल्ह्यात मंगळवारी (ता. एक) पावसाच्या हलक्या सरी कोसळल्या. या पावसामुळे खरिपातील पिकांना दिलासा मिळाला आहे. बुधवारी सकाळी दहा वाजता संपलेल्या २४ तासांत सरासरी १६२० मिलिमीटर पावसाची नोंद झाली.

हा पाऊस जिल्ह्यातही सर्वच भागात कमी-अधीक प्रमाणात झाला. नांदेड, हदगाव, अर्धापूर, मुदखेड, किनवट, माहूर, बिलोली, उमरी तालुक्यात पावसाचे प्रमाण चांगले होते. नांदेड जिल्ह्यात मागील २५ जूननंतर पावसाने दडी मारल्यामुळे खरिपातील पिकांना धोका निर्माण झाला होता.

यापूर्वी केवळ हलका पाऊस झाला झाल्याने पिके जेमतेम पाण्यावर तग धरून होती. अशातच भारतीय हवामान विभागाने मंगळवारी तसेच शुक्रवारी अतिवृष्टीचा इशारा दिला आहे. यामुळे मंगळवारी पावसाने हजेरी लावली. मंगळवारचा (ता. १७) पाऊस अनेक भागात झाला.

बुधवारी सकाळी दहा वाजता संपलेल्या २४ तासांत सरासरी १६.२० मिलिमीटर पावसाची नोंद झाली. जिल्ह्यात आजपर्यंत सरासरी १६४.१० मिलिमीटरनुसार वार्षिक सरासरीच्या १८.५० टक्के पाऊस झाला आहे. हा पाऊस जिल्ह्यातही सर्वच भागात कमी-अधिक प्रमाणात झाला. परंतु पिकांसाठी मात्र अद्याप मोठ्या पावसाची प्रतीक्षा आहे.

हलक्या पावसामुळे शेतकरी सोयाबीन, कपाशी, उडीद, मूग, ज्वारी, हळद, ऊस व तूर या पिकांच्या आंतरमशागतीच्या कामाला लागले आहेत. तसेच अनेक ठिकाणी शेतकरी सोयाबीनसाठी तणनाशकाची फवारणी घेत असल्याचे चित्र दिसत आहे.

तालुकानिहाय झालेला पाऊस

नांदेड २९.७०, बिलोली १८.१०, मुखेड ४.१०, कंधार ७.७०, लोहा ११.६०, हदगाव २०.३०, भोकर १९.३०, देगलूर ९.५०, किनवट १९.५०, मुदखेड २७.४०, हिमायतनगर १४.३०, माहूर १९.९०, धर्माबाद १४.३०, उमरी १८.५०, अर्धापूर २०.४०, नायगाव १०.३०.