Parbhani News : मानवत कृषी उत्पन्न बाजार समितीत गुरुवारी (ता. १६) कापसाला प्रतिक्विंटल किमान ७ हजार १०० ते कमाल ७ हजार ५०० रुपये तर सरासरी ७ हजार ४५० रुपये दर मिळाले.

कापसाची प्रमुख बाजारपेठ असलेल्या मानवत (जि. परभणी) कृषी उत्पन्न बाजार समितीत यंदाच्या हंगामातील नवीन कापूस खरेदीस मंगळवारी (ता. १४) दिवाळी पाडव्याच्या मुहूर्तावर प्रारंभ झाला आहे.

मंगळवारी (ता.१४) कापसाची २ हजार ७०० क्विंटल आवक झाली. त्या वेळी प्रतिक्विंटल किमान ७ हजार १०० ते कमाल ७ हजार ४२५ रुपये तर सरासरी ७ हजार ३०० रुपये दर मिळाले. बुधवारी (ता.१५) कापसाची ४५० क्विंटल आवक होऊन प्रतिक्विंटल किमान ७ हजार १०० ते कमाल ७ हजार ४७९ रुपये तर सरासरी ७ हजार ३५० रुपये दर मिळाले.