Crop Loan : राज्यातील शेतकऱ्यांसाठी २०२२-२३ मध्ये ५३ हजार ४४ कोटी पीक कर्ज वाटप केले आहे. एकूण उद्दिष्ट्याच्या ते ८४.७४ टक्के आहे.

राज्य सरकारने २०२२-२३ साठी ६१ हजार कर्जवाटपाचे लक्ष्य ठेवले होते, अशी माहिती राज्याचे कृषिमंत्री अब्दुल सत्तार यांनी विधानसभेत दिली.

महात्मा फुले कर्जमुक्ती योजनेतंर्गत कर्जाची वेळेत परतफेड करणाऱ्या शेतकऱ्यांना राज्य सरकारने ५० हजार प्रोत्साहनपर अनुदान दिले आहे.

त्याचा लाभ राज्यातील १२ लाख ८४ हजार ६६३ शेतकऱ्यांना झाला आहे.

उर्वरित पात्र शेतकऱ्यांनाही योजनेतंर्गत लाभ देण्याची कार्यवाही सुरू असल्याची माहिती सत्तारांनी सभागृहाला दिली.

यावेळी त्यांनी राज्यातील जिल्हामध्यवर्ती बँकांचे कौतुक केले.

राज्यातील जिल्हामध्यवर्ती बँकां शेतकऱ्यांना पीक कर्जाचे वाटप उत्तम पद्धतीने करत आहेत, असेही सत्तार म्हणाले.

राज्यातील ३१ बँकांपैकी २१ जिल्हा मध्यवर्ती बँकां नफ्यात आहेत. तर १० जिल्हा मध्यवर्ती बँका तोट्यात आहेत. त्यामध्ये वर्धा, डिसीसी बँकेचा समावेश आहे.

परंतू तरीही जिल्हा मध्यवर्ती बँकांनी पीक कर्ज वाटपात कौतुकास्पद काम केले आहे.

दरम्यान, शेतकऱ्यांना कुठल्याही सीबील स्कोअरविना पीक कर्ज पुरवठा करण्यासंदर्भात योग्य ती कार्यवाही सुरू असल्याचे सत्तार यांनी सांगितले.