Nanded News : नांदेड प्रादेशिक सहसंचालक (साखर) कार्यालयाकडे नांदेड विभागातील गाळप हंगाम २०२३-२४ साठी २९ साखर कारखान्यांनी गाळप परवानासाठी अर्ज सादर केले होते. यातील २८ साखर कारखान्यांना नियम अटींची पुर्तता केल्यामुळे राज्याच्या साखर आयुक्तांनी गाळप परवाने दिले आहेत. हिंगोली जिल्ह्यातील टोकाई सहकारी साखर कारखान्याला अद्याप गाळप परवाना मिळाला नसल्याची माहिती प्रादेशिक सहसंचालक (साखर) सचिन रावल यांनी दिली.

नांदेड प्रादेशिक सहसंचालक (साखर) कार्यालयाकडे नांदेड विभागात नांदेड, परभणी, हिंगोली, लातूर या चार जिल्ह्यांचा समावेश आहे. नांदेड विभागात मागीलवर्षी ३० साखर कारखाने सुरू झाले होते. यात १९ खासगी, तर ११ सहकारी कारखान्यांचा समावेश होता.

२०२३-२४ या वर्षाचा गाळप हंगाम एक नोव्हेंबरपासून सुरू यासाठी नांदेड विभागातील २९ कारखान्यांनी गाळप हंगामासाठी नांदेड प्रादेशिक सहसंचालक (साखर) कार्यालयाच्या मार्फत साखर आयुक्तांकडे गाळप परवान्यासाठी ऑनलाइन अर्ज सादर केले होते. यात २१ खासगी, तर ८ सहकारी कारखान्यांचा समावेश आहे. २८ कारखान्यांना परवाना मिळाला आहे.

गाळपासाठी अर्ज केलेले कारखाने

१) ट्वेंटीवन शुगर युनिट-१ लातूर २) विलास सहकारी साखर कारखाना-२ तोंडार, ३) रेणा सहकारी साखर कारखाना, ४) योगेश्वरी शुगर, ५) श्री तुळजाभवानी शुगर ६) कपीश्वर शुगर ७) श्री लक्ष्मी नरसिंह शुगर ८) श्री रेणुका शुगर ९) गंगाखेड शुगर १०) श्री संत शिरोमणी मारोती महाराज ११) एमव्हीके शुगर १२) श्री सुभाष शुगर १३) मांजरा सहकारी साखर कारखाना १४) विलास यू -१ निवळी, १५) कुंटूरकर शुगर

१६) शिऊर शुगर १७) जागृती शुगर, १८) ट्वेंटीवन शुगर यु-२ १९) ट्वेंटीवन शुगर यू-३ २०) पूर्णा सहकारी साखर कारखाना २१) शेतकरी सहकारी साखर कारखाना किल्लारी २२) ओंकार शुगर २३) बळीराजा शुगर २४) श्री साईबाबा शुगर २५) भाऊराव चव्हाण सहकारी साखर कारखाना यू -१, २६) भाऊराव चव्हाण सहकारी साखर कारखाना यू -२ २७) सिद्धी शुगर २८) शिवाजी सर्विस स्टेशन.