Nagpur News : जिल्ह्यातील १५ ग्रामपंचायती १५ व्या वित्त आयोगाच्या निधीपासून मुकणार आहेत. गेल्या वर्षभरापासून येथे प्रशासक राज असल्यामुळे निधी मिळणार नसल्याची माहिती आहे.

मात्र जानेवारीत प्रशासक बसलेल्या ३ ग्रामपंचायतीला हा निधी मिळेल. नागपूर जिल्ह्यात ७५९ ग्रामपंचायती आहे. दरवर्षी ५० पेक्षा अधिक ग्रामपंचायतीच्या निवडणूक होतात.

१५ ग्रामपंचायतीचा कार्यकाळ संपून वर्ष लोटले तरी निवडणूका झाल्या नाही. त्यामुळे येथे पदाधिकारी नसल्यामुळे निधी देता येत नाही.

यातील ३ ग्रामपंचायतीमध्ये सदस्यांचा कार्यकाळ असल्याने त्यांना मात्र निधी मिळणार आहे. यातील १५ ग्रामपंचायतीत एक वर्षांपेक्षा अधिक काळ प्रशासक असल्यामुळे त्यांना मिळणाऱ्या निधीचे नियोजन करता आले नाही.

१५ व्या वित्त आयोगातून होणारी कामे

   पेयजल, पाणी साठवणूक साधने.

   मुलांचे लसीकरण, कुपोषण रोखणे.

   ग्रामपंचायतीअंतर्गत रस्ते दुरुस्ती व देखभाल.

   ग्रामपंचायतीअंतर्गत पादचारी रस्ते व बांधकाम दुरुस्ती.