पुणे ः जुन्नर तालुक्यात झालेल्या अतिवृष्टीमुळे (Heavy Rain) ओला दुष्काळ (Wet Drought) जाहीर करावा, पीक नुकसानीची मदत (Crop Damage Compensation) मिळावी, वीजबिल माफ व्हावे आदी मागण्यांसाठी शिवसेनेतर्फे तहसीलदार कार्यालयावर गुरुवारी (ता.२२) मोर्चा (Shivsena Morcha Junnar) काढण्यात आला. शेतकऱ्यांनी मोठ्या संख्येने त्यात भाग घेतला.

माजी आमदार बाळासाहेब दांगट, धुळे-नंदूरबारचे संपर्क प्रमुख बबन थोरात, पुणे सह संपर्कप्रमुख अविनाश रहाणे, तालुका संपर्क प्रमुख दिलीप बाम्हणे, उपजिल्हाप्रमुख शरद चौधरी, संभाजी तांबे, तालुका प्रमुख माऊली खंडागळे, जिल्हा परिषद सदस्य गुलाब पारखे, नारायणगावचे माजी सरपंच बाबू पाटे, माजी नगराध्यक्ष श्याम पांडे, शहर प्रमुख चंद्रकांत डोके, माजी शहर प्रमुख शिवदर्शन खत्री, रामभाऊ वाळुंज, बाबा परदेशी आदी उपस्थित होते.

छत्रपती श्री शिवाजी महाराज पुतळ्यापासून मोर्चाला प्रांरभ झाला. या वेळी सरकारच्या विरोधात घोषणा देण्यात आल्या. तर महाराष्ट्रातील उद्योग गुजरातला जात असल्याच्या निषेधार्थ देखील घोषणा देण्यात आल्या. या वेळी तहसिलदारांना निवेदन देण्यात आले.,