इस्लामपूर, जि. सांगली : येथील राजारामबापू पाटील सहकारी दूध संघाच्या (Cooperative Milk Union) संचालक मंडळातील रिक्त झालेल्या पदावर संघाचे माजी अध्यक्ष विनायक पाटील (ताकारी) यांची बिनविरोध निवड झाली.

निवडीची सभा जिल्हा सहकारी निवडणूक अधिकारी तथा विभागीय उपनिबंधक सहकारी संस्था (दुग्ध) पुणे डॉ. महेश कदम यांच्या अध्यक्षतेखाली झाली. पाटील यांना संचालक मंडळावर घेणयाबाबतची सूचना अध्यक्ष नेताजीराव पाटील यांनी केली. उपाध्यक्ष शशिकांत पाटील यांनी अनुमोदन दिले.

राष्ट्रवादी पक्षाचे प्रदेशाध्यक्ष जयंत पाटील यांच्या नेतृत्वाखाली संघाचे कामकाज चालू आहे. संघाचे संचालक मंडळातील सर्वसाधारण मतदारसंघातील एक पद रमेश पाटील यांच्या निधनाने रिक्त झाले होते. निवडीवेळी राजारामबापू बँकेचे अध्यक्ष शामराव पाटील, राष्ट्रवादी कॉंग्रेसचे वाळवा तालुकाध्यक्ष विजय पाटील, बँकेचे संचालक संजय पाटील, संचालक प्रताप पाटील, संग्राम फडतरे, प्रशांत थोरात, बबनराव सावंत, पोपटराव जगताप, सुधीर पाटील उपस्थित होते.