Agricultural Department Job Recruitment 2023 : कोल्हापूर कृषी आयुक्तालयाच्या विभागीय कृषी सहसंचालक विभागाकडून जागा भरण्यात येणार आहेत. दरम्यान कोल्हापूर कार्यालयाच्या आस्थापना विभागात गट-क संवर्गातील कृषीसेवक पदांसाठी या जागा भरण्यात येणार असल्याची कोल्हापूर विभागाचे विभागीय कृषी सहसंचालक बसवराज बिराजदार यांनी माहिती दिली.

मागच्या एक महिन्यांपूर्वी याबाबत कृषी विभागाच्या संकेतस्थळावर जाहिरात प्रसिध्द करण्यात आली होती.

दरम्यान ऑनलाइन आवेदन पत्र भरण्याबाबतची लिंक १४ सप्टेंबर ते ३ ऑक्टोबर २०२३ या कालावधीत कृषी विभागाच्या संकेतस्थळावर उपलब्ध राहणार असल्याची माहिती कोल्हापूर विभागाचे विभागीय कृषी सहसंचालक, बसवराज बिराजदार यांनी दिली आहे.

ऑनलाइन आवेदन पत्र भरण्याबाबत सूचना, अर्ज करण्याचा कालावधी याबाबतची माहिती कृषी विभागाच्या www.krishi.maharashta.gov.in या संकेतस्थळावर प्रसिध्द करण्यात येणार आहे.