Weather Update पुणे : राज्याच्या विविध भागात सुरू असलेल्या वादळी पावसाने (Heavy Rain) उघडीप दिली आहे. आज (ता. २१) विदर्भात विजांसह पावसाचा शक्यता (Rain Forecast) कायम आहे. तर उर्वरित राज्यात मुख्यतः कोरड्या हवामानाचा (Dry Weather) अंदाज आहे.

तर राज्यात उन्हाचा चटका वाढणार असून, कमाल तापमानात ३ ते ५ अंशांची वाढ होण्याची शक्यता हवामान विभागाने (Weather Update) वर्तविली आहे.

पावसाची उघडीप, निरभ्र आकाश यामुळे राज्यातील कमाल तापमानात पुन्हा वाढ होऊ लागली आहे. सोमवारी (ता. २०) सकाळपर्यंतच्या २४ तासांमध्ये निफाड येथील गहू संशोधन केंद्रात येथे राज्यतील उच्चांकी ३५.२ अंश सेल्सिअस तापमानाची नोंद झाली.

राज्यात बहुतांश ठिकाणी कमाल तापमान ३१ ते ३५ अंशांच्या दरम्यान होते. तर किमान तापमानाचा पारा १२ अंशांच्या पुढे कायम आहे.

दक्षिण कर्नाटकपासून मराठवाडा, पश्चिम विदर्भापर्यंत समुद्रसपाटीपासून ९०० मीटर उंचीवर हवेचा कमी दाबाचा पट्टा तामिळनाडू ते छत्तीसगड पर्यंत विस्तारला आहे.

आज (ता. २१) विदर्भाच्या काही भागात विजा आणि मेघगर्जनेसह पावसाची शक्यता आहे. उर्वरित राज्यात मुख्यतः कोरड्या हवामानाचा अंदाज असून, उन्हाचा चटका वाढण्याची शक्यता आहे.

रविवारी (ता. १९) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३१.८ (१६.४), जळगाव ३३.० (१६.६), धुळे ३४.० (१२.०), कोल्हापूर ३२.६ (१९.१), महाबळेश्वर २६.३ (१३.२),

नाशिक - (१६.१), निफाड ३५.२(१४.०), सांगली ३२.४ (१७.३), सातारा ३१.५ (१५.२), सोलापूर ३३.८(१९.०), सांताक्रूझ ३१.१ (२२.२), डहाणू ३१.८ (२२.१), रत्नागिरी ३२.० (२१.४),

छत्रपती संभाजीनगर ३०.३ (१३.२), नांदेड ३१.८ (१७.४), परभणी ३१.८(१८.०), अकोला ३२.२ (१६.६), अमरावती ३१.८(१५.५), बुलढाणा ३१.० (१७.२), ब्रह्मपूरी ३४.० (१७.६), चंद्रपूर ३३.४ (१७.४),

गडचिरोली २८.२(१७.६), गोंदिया २९.० (१६.४), नागपूर ३१.० (१७.१), वर्धा ३१.२(१७.८), वाशीम ३१.८ (१५.४), यवतमाळ ३१.५ (१६.२).

मंगळवारी (ता.२१) राज्यातील वादळी पावसाचा इशारा दर्शविणारा नकाशा (स्रोत : हवामान विभाग) :

वादळी पावसाचा इशारा (येलो अलर्ट) :

विदर्भ : बुलडाणा, अकोला, अमरावती, वाशिम, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली.