Chhatrapati Sambhajinagar News : मराठवाड्यात खरिपाचे सर्वसाधारण क्षेत्र ४८ लाख ५७ हजार १५२ हेक्टर असून, प्रत्यक्षात ४४ लाख ९२ हजार ३१७ हेक्टरवरच खरिपाची पेरणी झाली आहे. त्यामुळे सर्वसाधारण क्षेत्रच्या तुलनेत अजूनही अपेक्षित पेरणी झाली नसल्याचे चित्र आहे.

यंदा सुरुवातीपासूनच पावसाचा लहरीपणा कायम आहे. नांदेड, हिंगोली जिल्ह्यांतील काही भागांत जोरदार अति जोरदार पावसामुळे शेती पिकाचे नुकसान होते आहे. तर दुसरीकडे छत्रपती संभाजीनगर, जालना, बीड, लातूर, धाराशिव या जिल्ह्यांसह परभणीतील बहुतांश भागांत पावसाची प्रचंड तूट आहे.

त्यामुळे त्याचा थेट परिणाम खरिपाच्या पेरणीवर झाला आहे. यंदाच्या खरीप हंगामासाठी मराठवाड्यातील सर्वसाधारण क्षेत्र ४८ लाख ५७,१५२ हेक्टर इतके आहे, त्यामध्ये लातूर कृषी विभागांतर्गत पाच जिल्ह्यांतील २७ लाख ६६ हजार ९५४ हेक्टर, तर छत्रपती संभाजीनगर कृषी विभाग अंतर्गत २० लाख ९० हजार १९८ हेक्टर क्षेत्राचा समावेश आहे. या क्षेत्राच्या तुलनेत प्रत्यक्षात ४४ लाख ९२ हजार हेक्टर क्षेत्रावर खरिपाची पेरणी झाली आहे.

जिल्हानिहाय खरिपाचे सर्वसाधारण

क्षेत्र व प्रत्यक्ष पेरणी (हेक्टरमध्ये)

जिल्हा सर्वसाधारण क्षेत्र प्रत्यक्ष पेरणी टक्केवारी

छ. संभाजीनगर ६८४७१६ ६२४१५० ९१.१५

जालना ६१९६९५ ५७५६४४ ९२.८९

बीड ७८५७८६ ७३९८०३ ९४.१५

लातूर ५९९४५६ ५७१४२६ ९५

धाराशिव ५०४७३५ ४८७४५४ ९७

नांदेड ७६६८०९ ७०३६४० ९२

परभणी ५३४९०० ४६१३११ ८६

हिंगोली ३६१०५४ ३२८९६८ ९१