अकोला ः महाराष्ट्र राज्य बियाणे महामंडळा (महाबीज) (Mahabeej) च्या व्यवस्थापकीय संचालकपदी सचिन कलंत्रे यांची प्रतिनियुक्तीने नियुक्ती करण्याचे आदेश सोमवारी (ता.१२) शासनाकडून काढण्यात आले. अतिरिक्त जिल्हाधिकारी असलेले कलंत्रे सध्या चंद्रपूर जिल्ह्यात जात पडताळणी समिती अध्यक्ष म्हणून कार्यरत आहेत.
राज्याचे प्रधान सचिव (कृषी) एकनाथ डवले यांच्या स्वाक्षरीने निघालेल्या या आदेशानुसार, कलंत्रे यांनी पदाचा कार्यभार संतोष आळसे यांच्याकडून स्वीकारण्याचे आदेश दिले आहेत. गेल्या काही दिवसांपासून डॉ.पंजाबराव देशमुख जैविक शेती मिशनचे सहसंचालक असलेले आळसे यांच्याकडे महाबीजच्या या पदाचा पदभार आहे.
महाबीजला सातत्याने प्रभारी अधिकारी मिळत असल्याचा परिणाम मागील काही वर्षात कामकाजावर पडला आहे. आयएएस दर्जाचे हे पद असूनही त्याठिकाणी कुठलाही अधिकारी पूर्णवेळ काम करण्यासाठी तयार होत नसल्याची वस्तुस्थिती आहे.
पूर्णवेळ आयएएस दर्जाचे अधिकारी काम करायला या पदावर तयार नसल्याने प्रशासनाला व्यवस्थापकीय संचालक पदाचा कारभार प्रभारींकडून चालवावा लागण्याची स्थिती आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.