नगर : बियाणे संवर्धन (Seed Conservation) हीच आपली लक्ष्मी समजून पद्मश्री राहीबाई पोपेरे (Padmashri Rahibai Popere) यांनी कोंभाळणे (ता. अकोले) येथे पारंपरिक बियाणाचे पूजन करून दिवाळीचे लक्ष्मीपूजन करत दिवाळी साजरी केली.

राहीबाई पोपेरे यांनी बियाणेरूपी दिवा आणि नुकतेच शेतात तयार झालेले बियाणे यांची आरास तयार करून त्यांची पूजा राहीबाई व त्यांच्या संपूर्ण कुटुंबीयांनी केली. घरावरती तोरण सुद्धा भाताच्या लोम्ब्यांचे, लक्ष्मीपूजनासाठी, नागली, वरई, खुरसानी व इतर भाजीपाल्यांच्या बियाण्यांची मांडणी केलेली होती.

पद्मश्री रायबाई पोपेरे गेल्या अनेक वर्षांपासून बियाणे संवर्धन करतात, तसेच प्रत्येक सणांच्या वेळी पूजन करतात. त्यांच्या दिवाळीचे सर्व दूर स्वागत होत आहे.