Chandrapur Insurance News : नैसर्गिक आपत्ती व हंगामातील प्रतिकूल परिस्थितीमुळे नुकसान (Crop Damage) झालेल्या पिकांचे पंचनामे (Crop Damage Survey) करताना विमा कंपनीने (Crop Insurance Company) अफरातफर केल्याचे कृषी विभागाच्या (Agriculture Department) निदर्शनास आले आहे. ही बाब उघडकीस येताच जिल्हाधिकारी विनय गौडा जी. सी. यांनी आढावा बैठक घेत या बाबत त्वरित चौकशी करण्याचे आदेश दिले आहेत.

जिल्हाधिकारी कार्यालयात झालेल्या बैठकीला अपर पोलिस अधीक्षक रीना जनबंधू, जिल्हा अधीक्षक कृषी अधिकारी भाऊसाहेब बऱ्हाटे, जिल्हा अग्रणी बँक व्यवस्थापक प्रशांत धोंगळे उपस्थित होते.

कृषी विभागाचे क्षेत्रीय कर्मचारी आणि विमा कंपनीचा प्रतिनिधी हे संबंधित शेतकऱ्यांसमोर पिकांचे पंचनामे करीत असतात. मात्र, विमा कंपनीने शेतकऱ्यांसमोर केलेल्या पंचनाम्यात अफरातफर केल्याचे समोर आले आहे.

यात मूळ पंचनाम्यात खोडाखोड, बनावट स्वाक्षरी, आकड्यांमध्ये तफावत, वेगळे शिक्के, बनावट झेरॉक्स असे प्रकार काही तालुक्यांमध्ये आढळून आले आहेत.

तालुका कृषी अधिकाऱ्यांनी माहिती द्यावी

अफरातफर जिल्हाधिकाऱ्यांच्या लक्षात आणून देताच कृषी विभागाचे अधिकारी व विमा कंपनीच्या प्रतिनिधींसोबत जिल्हाधिकाऱ्यांनी बैठक घेतली.

पंचनाम्यांमधील आकड्यांत तफावत, खोडाखोड, व्हाईटनर लावून पुन्हा लिहिलेले असे वेगवेगळे वर्गीकरण करून तालुका कृषी अधिकाऱ्यांनी त्वरित जिल्हा मुख्यालयी माहिती सादर करावी.

जेणेकरून, विमा कंपनीकडून मूळ पंचनाम्यांची प्रत उपलब्ध करणे सोपे होईल. त्यानंतर या प्रकरणाची चौकशी करण्यात येईल, असे जिल्हाधिकाऱ्यांनी सांगितले.