इस्लामपूर, जि. सांगली ः इथेनॉलला सध्या बाजारात चांगला दर (Ethanol Rate) मिळत असल्यामुळे नोव्हेंबरपासून साखराळे युनिटमध्ये प्रतिदिन दीड लाख लिटर इथेनॉलनिर्मिती (Ethanol Production) करणार आहोत. साखरेला चांगला दर (Sugar Rate) असताना साखर आणि इथेनॉलला चांगला दर असताना इथेनॉल निर्मितीचा पर्याय आपण उभा करूया, असा विश्वास राष्ट्रवादी काँग्रेसचे प्रदेशाध्यक्ष, माजी मंत्री आ. जयंत पाटील (Jayant Patil) यांनी व्यक्त केला.

राजारामबापू पाटील सहकारी साखर कारखान्याच्या ५३ व्या वार्षिक सभेत ते बोलत होते. कारखान्याचे अध्यक्ष पी. आर. पाटील अध्यक्षस्थानी होते.

उपाध्यक्ष विजयराव पाटील, माजी आमदार भगवानराव साळुंखे, राजारामबापू बँकेचे अध्यक्ष प्रा. शामराव पाटील, राजारामबापू दूध संघाचे अध्यक्ष नेताजीराव पाटील, माजी सभापती रवींद्र बर्डे, विष्णुपंत शिंदे, भीमराव पाटील, संभाजी कचरे, शिक्षण संस्थेचे अध्यक्ष शामराव पाटील, सचिव आर. डी. सावंत, विनायक पाटील, शशिकांत पाटील, बाळासाहेब पाटील, संजय पाटील, देवराज पाटील, उपस्थित होते.

आमदार जयंत पाटील, पी. आर. पाटील यांचे भाषण झाले. उपाध्यक्ष विजयराव पाटील यांनी आभार मानले. कार्यकारी संचालक आर. डी. माहुली यांनी मागील इतिवृत्त वाचन केले. विश्वनाथ पाटसुते यांनी सूत्रसंचालन केले.