मुंबई : महिन्याभरापासून लांबलेल्या पावसाळी अधिवेशनाची तारीख निश्चित करण्यासाठी विधिमंडळ कामकाज सल्लागार समितीची (Legislative Affairs Advisory Committee) बैठक गुरुवारी (ता. ११) होणार आहे.

शिंदे सरकारचा (Eknath Shinde) शपथविधी झाल्यानंतर पावसाळी अधिवेशन घेण्याबाबत सरकारने पावले उचलली आहेत. मंत्रिमंडळ विस्तार (Cabinet Expansion) झाल्यानंतर लगेचच कामकाज सल्लागार समितीची बैठक घेण्यात येणार होती.

मात्र, मंत्रिमंडळ विस्तार (Cabinet Expansion) आणि अन्य घडामोडींमुळे मंगळवारी होणारी बैठक रद्द करण्यात आली होती. गुरुवारी ही बैठक होणार असून १७ ऑगस्टपासून पावसाळी अधिवेशन होण्याची शक्यता आहे.