अकोला ः कृषी हरित क्रांतीचे जनक, जागतिक दर्जाचे ज्येष्ठ शास्त्रज्ञ तथा राष्ट्रीय कृषी आयोगाचे माजी अध्यक्ष डॉ. एम. एस. स्वामीनाथन (Dr. M. S. Swaminathan) यांची भारत कृषक समाजाच्या पदाधिकाऱ्यांनी चेन्नई येथे भेट घेतली.

कृषक समाजाचे अध्यक्ष डॉ. प्रकाश मानकर (Dr. Prakash Mankar), उपाध्यक्ष डॉ. रमेश ठाकरे यांनी भेट घेत चर्चा केली. जागतिक आरोग्य संघटनेच्या संचालिका तथा स्वामीनाथन यांची मुलगी डॉ. सोमय्या स्वामीनाथन, ज्येष्ठ शास्त्रज्ञ डॉ. रमण यांचीही प्रमुख उपस्थिती होती.

कृषक समाजातर्फे स्वामीनाथन यांना डॉ. पंजाबराव देशमुख यांची प्रतिमा भेट देण्यात आली. स्वामीनाथन यांनी डॉ. पंजाबरावांनी केलेल्या कार्याची प्रशंसा केली.

ग्रामीण भागाच्या व गरीब शेतकऱ्यांच्या विकासाच्या दृष्टिने भरीव ठोस उपाययोजना करून आधुनिक तंत्रज्ञानाच्या सहाय्याने देशाला अन्नधान्याच्या बाबतीत स्वयंपूर्ण केले. स्वामीनाथन ९७ वर्षांचे आहेl. शेतकऱ्यांसाठी स्वामीनाथन आयोगाच्या शिफारशी लागू होण्याची अपेक्षा या वेळी व्यक्त केली.