Weather Update Maharashtra पुणे : राज्यात गेल्या काही दिवसांपासून उन्हाचा (Heat) चटका कायम आहे. विदर्भात उन्हाची ताप (Vidarbh Heat) अधिक असल्याने ब्रह्मपूरी आणि अकोला येथे तापमानाचा पारा ३८ अंशांपार पोचला आहे.

मध्य महाराष्ट्र आणि मराठवाड्यातही तापमान (Temperature In Marathwada) वाढत आहे. आज (ता. २५) कमाल तापमानातील वाढ कायम राहण्याची शक्यता हवामान विभागाने (Weather Department) वर्तविली आहे.

सुर्य तळपत असतानाच स्वच्छ सूर्यप्रकाश जमिनीवर येत असल्याने विदर्भ, मध्य महाराष्ट्रासह, मराठवाड्याच्या अनेक भागात उन्हाची ताप वाढत आहे.

शुक्रवारी (ता. २४) सकाळपर्यंतच्या २४ तासांमध्ये ब्रह्मपुरी येथे देशातील उच्चांकी ३८.२ तर अकोला येथे ३८.१ अंश तापमानाची नोंद झाली.

सोलापूर आणि वाशीम येथे ३७ अंशांपेक्षा अधिक, तर वर्धा, अमरावती, रत्नागिरी, परभणी, आणि सातारा येथे ३६ अंशांपेक्षा अधिक तापमान नोंदले गेले.

राज्याच्या किमान तापमानात सातत्याने वाढ असली तरी किमान तापमानात चढ-उतार होत आहेत. शुक्रवारी (ता. २५) निफाड येथील गहू संशोधन केंद्रात नीचांकी ८.८ अंश सेल्सिअस तापमानाची नोंद झाली.

तर उर्वरित राज्यात मात्र बहुतांशी ठिकाणी किमान तापमानाचा पारा १२ अंशांच्या पुढे होता. राज्याच्या कमाल आणि किमान तापमानातील चढ-उतार सुरूच राहण्याची शक्यता हवामान विभागाने वर्तविली आहे.

शुक्रवारी (ता. २४) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३५.१ (१२.०), जळगाव ३५.८ (१०.०), धुळे ३४.०(१०.२), कोल्हापूर ३४.६ (२०.२), महाबळेश्वर ३१.६ (१७.९), नाशिक ३५.५ (१२.८), निफाड ३५.८(८.८), सांगली ३५.८ (१८.१), सातारा ३६.३ (१५.२), सोलापूर ३७.६ (२०.५),

सांताक्रूझ ३४.७ (१९.६), डहाणू ३०.२ (१९.२), रत्नागिरी ३६.८ (१९.८), औरंगाबाद ३५.५ (११.८), नांदेड - (१६.८), परभणी ३६.६(१४.६), अकोला ३८.१ (१४.०), अमरावती ३६.८(१४.९), बुलढाणा ३४.८(१८.८),

ब्रह्मपूरी ३८.२ (१६.५), चंद्रपूर ३५.६ (१६.२), गडचिरोली ३२.८(१४.४), गोंदिया ३५.८ (१५.२), नागपूर ३५.८ (१५.२), वर्धा ३६.९(१७.०), वाशीम ३७.२ (१५.४), यवतमाळ ३५.२ (१५.०).