Barshi News : शेतीची मशागत करून पेरणीसाठी पावसाची वाट पाहत असताना पुन्हा पावसाने ओढ दिल्याने बळिराजा धास्तावला आहे. अशा निसर्गाच्या दुष्टचक्रात एक हात मदतीचा म्हणून लायन्स क्लब बार्शी रॉयल व तिरुपती अॅग्रो यांच्या संयुक्त विद्यमाने ५० शेतकऱ्यांना ७५ हजार रुपयांचे कांदा बियाण्याचे मोफत वितरण करण्यात आले.

तालुक्यातील गरजू ५० शेतकऱ्यांना प्रत्येकी एक किलोची पिशवी याप्रमाणे हे बियाणे देण्यात आले. सध्या राज्यात दुष्काळी परिस्थिती निर्माण झाली आहे. बार्शी तालुक्यात पेरणी योग्य पाऊस झालेला नाही.

शेती मालाला बाजार भाव नसल्याने बळीराजा अडचणीत आला आहे. या परिस्थितीत शेतकऱ्यांना काही तरी मदत व्हावी, या हेतूने लायन्स क्लब, बार्शी रॉयल व तिरुपती अॅग्रो यांनी हा उपक्रम घेतला.

पंचायत समितीचे कृषी अधिकारी श्री. अंधारे, क्लबचे नूतन अध्यक्ष राजेश खाडे, सचिव मनीष रुगले, खजिनदार शशिकांत बारबोले, माजी प्रांतपाल जितेंद्र दोशी, विभागीय अध्यक्ष अमर काळे, सुनील पाटील, राहुल माढेकर, मनोज पाटील, महावीर शहा, तिरुपती अॅग्रोचे संचालक मंगेश बागूल, सचिन चव्हाण, शिवाजी खळदकर उपस्थित होते.