नांदेड : एक दिवस माझ्या बळीराजासाठी (Ek Divas Balirajasathi) या उपकृमांतर्गत मंगळवारी (ता. ८) भोकर येथे कार्यक्रमाचे आयोजन केले होते. यात वसंतराव नाईक मराठवाडा कृषी विद्यापीठ परभणी (VNMKV Parbhani) अंतर्गत कापूस संशोधन केंद्र नांदेड येथील शास्त्रज्ञ डॉ. खीजर बेग, डॉ. पवन ढोके, डॉ. भेदे यांनी क्षेत्रीय भेट दिली.

भोकर येथील प्रगतिशील शेतकरी लक्ष्मीकांत देशपांडे, बाबासाहेब कदम, प्रकाश किशनराव कदम यांच्या शेताला भेट दिली.

या वेळी शेतकऱ्यांना स्पायरल सेपरेटर, टोकन यंत्र, शून्य मशागत तंत्राचा अवलंब, केळी, कापूस, तूर, हळद, पेरू, लिंबू या पिकांची पाहणी करून गहू, करडई, ज्वारी या पिकाची माहिती दिली. या वेळी गोविंदराव मोरे, गणेश दंडवे, प्रकाश माधवराव देशमुख, राजू मुकेवाड, नागनाथ मुकेवाड, बालाजी मुकेवाड, साईनाथ गामोड, अशोक नारवटकर यांच्यासह परिसरातील शेतकऱ्यांची उपस्थिती होती.