ः जुन्नर तालुक्याच्या पूर्व भागात जून महिन्यात समाधानकारक पाऊस (Rain) झाला नाही, त्यामुळे धूळवाफेवर पेरणी केलेली पिके (Crop In Danger) धोक्यात आली आहेत. पेरणी (sowing) करून उगवण झालेल्या सोयाबीन (Sowing), मूग (Green Gram), उडीद, कडधान्यांच्या (Pulses Crop) पिकाला पावसाची अत्यंत गरज आहे.

अनेक शेतकऱ्यांची जमीन पूर्व मशागत करून पेरणीसाठी तयार आहे, परंतु पावसाने दडी मारल्यामुळे शेतकरी द्विधा मनस्थितीत आहे. धरणाचे पाणी साठे तळाला गेले असून नदीत पात्रातही पाणी राहिले नाही. जमिनीतील पाणी पातळी खाली गेल्यामुळे विहिरींचे पाणीदेखील पुरेसे पडत नसल्याने अनेक ठिकाणी बागायती शेतातील पिकेदेखील धोक्यात आल्याचे पाहावयास मिळते. पेरणी केलेल्या शेतामध्ये दुबार पेरणी करावी लागणार काय? या धास्तीत शेतकरी आहे. मात्र पावसाच्या भरवशावर पेरणी करत आहेत.