यवतमाळ ः लागवडीनंतर सोयाबीनची (Soybean Sowing) अपेक्षित उगवण न झाल्याप्रकरणी शेतकऱ्याने ग्राहक मंचात (Grahak Manch) दावा दाखल केला होता. याप्रकरणात मंचाने कंपनीला दोषी ठरवीत शेतकऱ्याला एक लाख ५७ हजार रुपयांची भरपाई देण्याचे आदेश दिले आहेत.

नेर तालुक्‍यांतर्गंत येणाऱ्या जळगाव येथील शेतकरी ॲड. निरंजन दाढे यांनी यवतमाळातील धांदे ट्रेडर्समधून सोयाबीन बियाणे खरेदी केले होते. दोन खासगी कंपनीचे जेएस-३३५ हे वाण त्यांनी घेतले.

शिफारसीत पद्धतीनुसार लागवड केल्यानंतरही या बियाण्यांची उगवणच झाली नाही. परिणामी कंपनीकडून भरपाई मिळावी, अशी मागणी शेतकरी दाढे यांनी विक्रेत्याकडे केली. परंतु विक्रेत्याने ही मागणी धुडकावून लावल्याने अखेरीस याप्रकरणी कृषी विभागाकडे तक्रार करण्यात आली.