पुणे : राज्याच्या किमान तापमानात (Minimum Temperature) वाढ झाली असली तरी उत्तर महाराष्ट्रात गारठा (Cold Weather) टिकून आहे. आज (ता. २३) किमान तापमानात चढ- उतार होण्याची शक्यता आहे.

दोन दिवस उत्तर महाराष्ट्रात गारठा कायम राहण्याची शक्यता आहे. कमाल तापमानात वाढ झाल्याने दुपारच्या वेळी उन्हाचा (Heat) चटका जाणवत आहे.

उत्तर महाराष्ट्रातील निफाड येथील गहू संशोधन केंद्र येथे रविवारी (ता. २२) राज्यातील निचांकी ९.१ अंश सेल्सिअस तापमान नोंदले गेले. धुळे येथील कृषी महाविद्यालयात ९.२ अंश तापमानाची नोंद झाली. राज्याच्या उर्वरित भागात बहुतांशी ठिकाणी तापमान १२ ते २० अंशांच्या दरम्यान आहे.

स्वच्छ सुर्य प्रकाशामुळे उन्हाचा चटका वाढला असून, राज्याच्या कमाल तापमानातील वाढ कायम आहे. बहुतांश ठिकाणी कमाल तापमानाचा पारा ३१ ते ३३ अंशांच्या जवळपास आहे. सोलापूर येथे राज्यातील उच्चांकी ३२.७ अंश सेल्सिअस तापमान नोंदले गेले.

उत्तर भारतातील राज्यात थंडी कमी झाली आहे. रविवारी (ता. २२) पंजाबच्या अमृतसर येथे देशाच्या सपाट भूभागावरील नीचांकी ३.० अंश सेल्सिअस तापमानाची नोंद झाली. आज (ता. २३) पंजाब हरियाणा, चंडीगडमध्ये विजांसह पावसाची शक्यता आहे.

रविवारी (ता. २२) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३०.४ (१२.२), जळगाव ३१.६ (१२.०), धुळे ३२.० (९.२), कोल्हापूर ३०.१ (१६.३), महाबळेश्वर २६.४(१३.७), नाशिक ३०.४ (१२.२), निफाड ३०.६ (९.१), सांगली ३०.५ (१५.३), सातारा २९.९ (१३.३), सोलापूर ३२.७ (१५.८), सांताक्रूझ - (१७.०), डहाणू २५.७ (१५.९), रत्नागिरी ३१.२(१७.०),

औरंगाबाद २९.७ (११.३), नांदेड ३१.६ (१६.४), परभणी ३०.८(१५.२), अकोला ३२.४ (१६.४), अमरावती ३०.८ (१६.३), बुलढाणा ३०.४ (१६.०), ब्रह्मपूरी ३३.० (१५.९),

चंद्रपूर ३०.४ (१७.०), गडचिरोली ३१.०(१५.२), गोंदिया ३०.०(१५.२), नागपूर ३०.५ (१५.१), वर्धा ३१.०(१६.०), वाशीम ३२.६ (१५.२), यवतमाळ ३१.० (१९.५).