पुणे : ढगाळ आकाश, पहाटे पडत असलेल्या धुक्यामुळे (Fog) राज्याच्या किमान तापमानात झालेली वाढ (Maximum Temperature) कायम आहे. राज्यात थंडी (Cold Weather) गायब झालीअसून, दुपारच्या वेळी उकाडाही (Heat) चांगलाच वाढला आहे.

आज (ता. १) राज्याच्या किमान तापमानातील वाढ टिकून राहण्याची शक्यता आहे. उद्यापासून (ता. २) उत्तर महाराष्ट्राच्या किमान तापमानात घट होण्याचे संकेत हवामान विभागाने दिले आहेत.

पावसाला पोषक हवामान निवळत असले तरी काही भागात अंशतः ढगाळ हवामान होत आहे, पहाटे धुक्याची चादर अनुभवायला मिळत असून, किमान तापमानात झालेली वाढ कायम आहे. मंगळवारी (ता. ३१) निफाड येथील गहू संशोधन केंद्रात राज्यातील निचांकी १२.३ अंश सेल्सिअस तापमान नोंदले गेले.

राज्याच्या उर्वरित भागात किमान तापमान १३ ते २० अंशांच्या दरम्यान आहे. कमाल तापमानातही वाढ झाली असून, दुपारच्या वेळी उकाडा जाणवत आहे. अमरावती येथे राज्यातील उच्चांकी ३३.८ अंश सेल्सिअस तापमान नोंदले गेले.

कमी दाब क्षेत्राची तीव्रता वाढल्याने नैर्ऋत्य बंगालच्या उपसागरात तीव्र कमी दाब क्षेत्र (डिप्रेशन) सक्रिय आहे. आज दुपारपर्यंत (ता. १) ही प्रणाली श्रीलंकेच्या किनाऱ्यालगत येऊन नैर्ऋत्य दिशेकडे वळण्याचे संकेत आहेत. उत्तर भारतातील राज्यात थंडी कमी अधिक होत आहे.

मंगळवारी (ता. ३१) राजस्थानच्या फालोदी येथे देशाच्या सपाट भूभागावरील नीचांकी ५.० अंश सेल्सिअस तापमानाची नोंद झाली. आज (ता. १) तामिळनाडू, केरळ राज्यात तुरळक ठिकाणी विजांसह पावसाचा अंदाज आहे.

मंगळवारी (ता. ३१) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३१.६ (१४.९), जळगाव ३०.४ (१६.५), धुळे २९.० (१३.४), कोल्हापूर ३०.० (१९.४), महाबळेश्वर २४.६ (१३.५), नाशिक २८.६ (१४.५), निफाड २९.० (१२.३), सांगली ३१.२ (१७.९), सातारा २९.८ (१५.८), सोलापूर ३३.० (१९.६), सांताक्रूझ २९.७ (१९.८), डहाणू २६.० (१९.१), रत्नागिरी २९.६(१९.७),

औरंगाबाद ३०.२ (१३.६), नांदेड ३१.८ (१७.८), उस्मानाबाद - (१८.०), परभणी ३१.६(१६.६), अकोला ३२.८ (१६.९), अमरावती ३३.८ (१७.३), बुलढाणा ३०.४ (१८.१), ब्रह्मपूरी ३३.४ (१८.१), चंद्रपूर ३१.६ (१९.२), गडचिरोली ३१.४(१६.२), गोंदिया ३२.०(१६.८), नागपूर ३२.३ (१८.३), वर्धा ३२.९(१८.४), यवतमाळ ३२.५ (१९.०).