पुणे : राज्याच्या किमान तापमानात चढ - उतार होत आहे. किमान तापमानात किंचितशी वाढ झाली असली तरी मध्य महाराष्ट्र, मराठवाड्याच्या काही भागांत गारठा टिकून आहे.

आज (ता. १४) मध्य महाराष्ट्र, मराठवाडा, विदर्भात गारठा टिकून राहण्याची शक्यता हवामान विभागाने (Weather Department ) वर्तविली आहे.

उत्तरेकडील थंड वाऱ्यांच्या प्रभावामुळे राज्यात गारठा वाढला आहे. काही ठिकाणी किमान तापमानाचा पारा १० अंशांच्या खाली आहे.

शुक्रवारी (ता. १३) धुळे येथील कृषी महाविद्यालयात राज्याचे नीचांकी ७.० अंश सेल्सिअस तापमानाची नोंद झाली. तर पुणे, निफाड, औरंगाबाद येथेही तापमानाचा पारा १० अंशांपेक्षा खाली होता.

काही ठिकाणी झालेल्या ढगाळ हवामानामुळे किमान तापमानात काहीशी वाढ झाल्याचे दिसून आले आहे. कमाल तापमानात वाढ झाली असून, जवळपास सर्वच ठिकाणी तापमान ३० अंशांच्या वर गेले आहे.

पश्चिमी चक्रावातांच्या प्रभावामुळे हिमालयपर्वत आणि लगतच्या भागात हिमवृष्टी सुरूच आहे.

शुक्रवारी (ता. १३) गुजरातच्या नालिया येथे देशाच्या सपाट भू-भागावरील नीचांकी ५.२ अंश सेल्सिअस तापमानाची नोंद झाली.

आज (ता. १४) हिमाचल प्रदेश, उत्तर राजस्थान आणि उत्तर अंतर्गत कर्नाटकमध्ये तुरळक ठिकणी थंडीची लाट येण्याची शक्यता आहे.

तर पंजाब, हरियाना, चंडीगड, दिल्ली, उत्तर प्रदेश, बिहार, जम्मू, हिमाचल प्रदेश, उत्तराखंड, ओडिशा, पश्चिम बंगाल, आसाम, त्रिपुरा राज्यात दाट धुके पडण्याचा अंदाज आहे.

गारठा अधिक असलेली ठिकाणे :
धुळे ७.०, पुणे ९.२, निफाड ९.५, औरंगाबाद ९.८.

शुक्रवारी (ता. १३) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३१.५ (९.२), जळगाव २९.२ (१२.७), धुळे ३०.५ (७.०), कोल्हापूर ३१.२ (१५.२), महाबळेश्वर २६.५(११.५), नाशिक २८.५ (१३.०), निफाड ३१.० (९.५), सांगली ३१.५ (१३.४), सातारा ३१.९(१०.४), सोलापूर ३३.८ (१५.१), सांताक्रूझ २९.१ (१९.४), डहाणू २६.७ (१९.४), रत्नागिरी ३१.४ (१८.०),

औरंगाबाद २९.४ (९.८), नांदेड ३१.४ (१४.०), परभणी ३१.१ (१३.०), अकोला ३१.९ (१३.५), अमरावती ३०.२ (११.३), बुलडाणा ३१.० (१५.२), ब्रह्मपुरी ३१.८ (१४.२), चंद्रपूर ३०.२ (१४.६), गडचिरोली ३०.०(११.६),

गोंदिया २९.८(११.८), नागपूर ३०.५ (१२.५), वर्धा ३१.५(१२.५), वाशीम ३२.६ (१४.४), यवतमाळ ३१.५ (१२.५).