Aurangabad News औरंगाबाद : गांधेली येथील एमजीएम कृषी विज्ञान केंद्राच्या (MGm KVK) वतीने गोळेगाव (ता. खुलताबाद) येथे हरभरा (Chana Crop) या पिकामध्ये मातीपरीक्षण (Soil Test) आधारित खत व्यवस्थापन (Fertilizer Management) व जस्ताचा वापर या विषयी शेतकऱ्यांच्या शेतावर पथदर्शक पीक प्रात्यक्षिक घेण्यात आले. त्या अनुषंगाने नुकताच शेतीदिन कार्यक्रम आयोजित करण्यात आला होता.

कार्यक्रमाची सुरुवात प्रक्षेत्र भेटीने झाली. प्रक्षेत्र भेटीदरम्यान हरभरा पीक प्रात्यक्षिकास उपस्थित शेतकऱ्यांनी भेट दिली.

त्यानंतर स्वप्नील वाघ, विषय विशेषज्ञ (मृद्‍ विज्ञान) यांनी उपस्थित शेतकऱ्यांना जस्ताची कार्य, कमतरतेची लक्षणे व माती परीक्षणाचे महत्त्व या विषयी माहिती दिली.

तर तुषार चव्हाण, विषय विशेषज्ञ (पीक संरक्षण) यांनी हरभरा या पिकामध्ये सद्यःस्थितीत करावयाची उपाययोजना या विषयी सखोल मार्गदर्शन केले.

तसेच लाभार्थी शेतकऱ्यांनी त्यांचे शेतावरील घेतलेल्या तंत्रज्ञानाबद्दलचे अनुभव सांगितले. या कार्यक्रमास परिसरातील शेतकरी उपस्थित होते.