राज्यातील पूरग्रस्तांसाठी मंत्रिमंडळाच्या बैठकीत मोठा निर्णय घेण्यात आला आहे. यामध्ये एनडीआरएफच्या निकषांपेक्षा दुप्पट मदत जाहीर करण्यात आली आहे. त्यानुसार पूरग्रस्तांना आता हेक्टरी १३,६०० रुपये मदत मिळणार आहे.

मुख्यमंत्री एकनाथ शिंदे (Eknath Shinde) यांच्या मंत्रिमंडळाचा विस्तार झाल्यानंतरची ही पहिलीच बैठक आहे. मंत्रिमंडळाच्या बैठकीला सर्व मंत्र्यांनी हजेरी लावली. सध्या राज्यात सर्वदूर पावसाने (Heavy Rainfall) थैमान घातले असून शेतकऱ्यांच्या पिकांचे मोठ्या प्रमाणात नुकसान (Crop Damage) झाले आहे. या शेतकऱ्यांना आर्थिक मदत मिळणे गरजेचे आहे.

सर्व प्रशासकीय प्रदेशांमधील नुकसानीचे पंचनामे करुन संबंधित शेतकऱ्यांना तातडीने मदत जाहीर करण्याची मागणी विरोधी पक्षाने केली आहे. या पार्श्वभूमीवर राज्यातील पूरग्रस्तांसाठी मंत्रिमंडळाच्या बैठकीत मोठा निर्णय घेण्यात आला आहे. यामध्ये एनडीआरएफच्या निकषांपेक्षा दुप्पट मदत जाहीर करण्यात आली आहे. त्यानुसार पूरग्रस्तांना आता हेक्टरी १३,६०० रुपये मदत मिळणार आहे. मुख्यमंत्री आणि उपमुख्यमंत्र्यांनी घेतलेल्या संयुक्त पत्रकार परिषदेत ही माहिती दिली.