Aditya Thackeray Visit Aurangabad : राज्यातील बहुतांश भागात पावसानं (Rain)दडी मारली आहे. मराठवाड्यात दुष्काळजन्य परिस्थिती निर्माण झाल्याने शेतकरी चिंतेत आहे. अशा परिस्थितीमध्ये दुष्काळी भागाची पाहणी करण्यासाठी आज युवासेनेचे प्रमुख आदित्य ठाकरे आज छत्रपती संभाजीनगरमध्ये दाखल झाले.

आमदार आदित्य ठाकरे हे दोन दिवसांच्या दुष्काळी पाहणी दौऱ्यात छत्रपती संभाजीनगर जिल्ह्यातील पैठण, गंगापूर आणि वैजापूर तालुक्यातील शेतकऱ्यांशी संवाद साधला. यावेळी त्यांनी प्रत्यक्ष शेतकऱ्यांच्या बांधावर जाऊन शेतकऱ्यांची परिस्थिती समजून घेतली. याप्रसंगी विरोधी पक्षनेते अंबादास दानवे, माजी खासदार चंद्रकांत खैरे, आमदार उदयसिंह राजपूत, जिल्हाप्रमुख राजेंद्र राठोड, तालुकाप्रमुख मनोज पेरे, उपजिल्हाप्रमुख अंकुश रंधे, विभागप्रमुख अरुण पाटील, शाखाप्रमुख दिलीप देशमाने, विकास बोर्डे व सरपंच अशोक धर्मे उपस्थित होते.