Maharashtra Rain News : यावर्षी अल् निनोमुळे पाऊस कमी होईल अशी शक्यता हवामान तज्ज्ञांकडून व्यक्त करण्यात आली होती. दरम्यान देशातील अनेक राज्यात पाऊस अत्यंत कमी झाला आहे. अशीच परिस्थिती महाराष्ट्रातील अनेक जिल्ह्यांमध्ये बनली आहे. जूनपासून सुरू होणाऱ्या मान्सूनने दडी मारली राज्यात जुलै महिना सोडल्यास अनेक जिल्ह्यात पावसाची अत्यंत कमी नोंद झाली आहे.

सप्टेंबर महिन्यात मान्सून परतीचा प्रवास सुरू होतो. परंतु यंदा मागच्या चार महिन्यात ९ जिल्ह्यात दुष्काळाची परिस्थिती निर्माण झाली आहे. सप्टेंबरअखेर सांगली, सातारा, सोलापूर, बीड, धाराशिव, जालना, हिंगोली, अकोला, अमरावती या जिल्ह्यात दुष्काळाच्या झळा आतापासून बसत आहेत.

या जिल्ह्यात सरासरीपेक्षा २१ ते ४४ टक्के इतका कमी पाऊस झाला आहे. यंदा फक्त पालघर, मुंबई उपनगर, ठाणे आणि नांदेड या चारच जिल्ह्यांत अतिवृष्टी झाली. उर्वरित सर्वच जिल्ह्यांत पाऊसमान सामान्य राहिले आहे. पावसाळ्याचा चार महिन्यांचा प्रवास संपवत मान्सून राज्यातून ४ किंवा ५ रोजी परतीला निघत आहे. यंदा राज्यातील आठ जिल्हे सप्टेंबरअखेर अवर्षणाच्या छायेत आहेत.

मागच्या चार महिन्यात काहीच जिल्हे ५० टक्क्यांवर गेली आहे परंतु अनेक जिल्ह्यात मुसळधार पाऊसच झाली नाही.दरवर्षी किमान ८ ते १० जिल्हे अतिवृष्टी, तर १५ ते १८ जिल्ह्यांमध्ये मुसळधार पाऊस होत असतो.

तर अत्यंत कमी जिल्हे दुष्काळाच्या छायेत असतात. कोकणात सरासरीपेक्षा ११ टक्के अधिक तर मध्य महाराष्ट्रात सरासरीपेक्षा १२ टक्के कमी, मराठवाडा ११ टक्के, तर विदर्भ उणे २ टक्के इतका कमी पाऊस झाला आहे.

जून महिन्यापासून सांगली जिल्ह्यात ४४, सातारा ३७, सोलापूर ३०, बीड २१, धाराशिव २१, हिंगोली २४, जालना ३३, अकोला २३, अमरावती २७ दुष्काळाच्या छायेत आहेत. तर सांगली, सातारा, सोलापूर जिल्ह्यासह अनेक ठिकाणी टँकरद्वारे पाणी देण्याची सोय सुरू आहे. राज्यात फक्त ४ राज्यात अतिवृष्टीचा पाऊस झाला आहे यामध्ये नांदेड, पालघर, ठाणे, मुंबई उपनगर यांचा समावेश आहे.