परभणी ः Water Storage : परभणी जिल्ह्यातील २२ लघु प्रकल्पांमध्ये सरासरी ५८ टक्के उपयुक्त पाणीसाठा शिल्लक आहे. दोन मध्यम प्रकल्पांमध्ये सरासरी ८० टक्के उपयुक्त पाणीसाठा शिल्लक आहे. सिंचन, पाणीपुरवठ्यासाठी (Water supply) उपसा सुरु असल्याने प्रकल्पातील पाणीसाठ्यात घट सुरु आहे.

जिल्ह्यातील २२ पैकी लघु ४ प्रकल्पांमध्ये ७६ ते १०० टक्के पाणीसाठा आहे. त्यात वडाळी तलाव ८० टक्के, पाडाळी तलाव ८१ टक्के,राणीसावरगाव तलाव ८८ टक्के, तांदुळवाडी तलाव ७६ टक्के या चार तलावाचा समावेश आहे.

९ प्रकल्पांमध्ये ५१ ते ७५ टक्के त्यात भोसी तलावात ५३ टक्के, बेलखेडा तलाव ५४ टक्के, चारठाणा तलाव ६१ टक्के, देवगाव तलाव ६३ टक्के, कवडा तलाव ५१ टक्के, मांडवी तलाव ५४ टक्के,झरी तलाव ६६ टक्के, टाकळगाव तलाव ५६ टक्के, पिंपळदरी तलाव ७० टक्के यांचा समावेश आहे.

९ प्रकल्पांमध्ये २६ ते ५० टक्के उपयुक्त पाणीसाठा आहे. त्यात पेडगाव तलाव ३७ टक्के, आंबेगाव तलाव २७ टक्के, नखातवाडी तलाव ४८ टक्के, कोद्री तलाव ४८ टक्के,जोगवाडा तलाव ४० टक्के, चिंचोली तलाव ४८ टक्के, आडगाव तलाव ४७ टक्के, केहाळ तलावात ४७ टक्के,दहेगाव तलावात ४७ टक्के या तलावांचा समावेश आहे.