नगर ः महात्मा फुले कृषी विद्यापीठात नुकताच पदवीदान (MPKV Convocation) समारंभ झाला. या वेळी होणाऱ्या संचलनात विद्येचा विद्यादंड उपकुलसचिवांच्या हाती असतो.

छत्तीस वर्षात पहिल्यांदाच हा मान महिला अधिकारी व उपकुलसचिव आशा पाडवी (Asha Padvi) यांना मिळाला. पाडवी यांनी दीक्षान्त समारंभाच्या संचलनाचे नेतृत्व केले.

महात्मा फुले कृषी विद्यापीठात नुकताच ३६ वा पदवीदान समारंभ झाला. कृषी विद्यापीठाचे कुलगुरू डॉ. पी. जी. पाटील यांच्या मार्गदर्शनाखाली झालेल्या पदवीदान समारंभ नुकताच पार पडला.

कार्यक्रमाच्या आधी दरवेळी विद्यापीठातील पदव्युत्तर इमारतीपासून कार्यक्रम स्थळापर्यंत प्रमुख पाहुण्यासोबत संचलन केले जाते. साधारण पंधरा ते वीस मिनिटे चालणाऱ्या या संचलनात विद्येचा विद्यादंड मापदंड घेऊन उपकुलसचिव नेतृत्व करतात.

या वेळी विद्यापीठात पहिल्यांदाच उपकुलसचिव पदावर आशा पाडवी यांची नियुक्ती झाली आहे. त्यामुळे पदवीदान समारंभाच्या संचलनात विद्येचा विद्यादंड घेऊन पाडवी यांच्या रूपाने विद्यापीठाच्या इतिहासात पहिल्यांदाच नेतृत्व केले आहे.