Pheromone Trap Use : कामगंध सापळा कसा काम करतो?

किडीच्या  अंडी, अळी आणि कोष अशा मुख्य तीन अवस्था असतात. कोष फोडून कोषातून जेंव्हा पतंग बाहेर पडतात. तेंव्हा ते मादीच्या शोधात असतात. 

हे नर पतंग एवढ्या मोठ्या सृष्टीत मादीला कसं बर शोधत असतील. तर त्याचीही व्यवस्था निसर्गाने करुन ठेवलीय. 

मादी पतंग आपल्या शरीरातून एक विशिष्ट प्रकारचा गंध सोडत असते. हाच तो कामगंध यालाच इंग्रजीमध्ये फेरोमन असं म्हणतात. या गंधाला शोधतच नर पतंग मादी पतंगाकडे येतो. आणि मग काय अपल्या पिकावर किडीचा अटॅक होतो. 

आता हेच जर आपण रोखल तर म्हणजे नराला मादीला भेटण्यापासून थांबवल तर पुढील पिढी तयार होणार नाही. 

 मादीला आपण कामगंध सोडण्यापासून रोखू शकत नाही. पण या नराला जर गंडवलं तर...

संशोधनातून असा गंध असलेले ल्यूर कृत्रिम पद्धतीन तयार केले जातात. कामगंध सापळ्यात हे ल्यूर बसवले जातात. कामगंध सापळ्याचे दोन भाग असतात.

एक म्हणजे कामगंध आणि दुसऱा म्हणजे सांगडा. यामध्ये कामगंध पतंगाला आपल्याकडे आकर्षीत करतो तर सांगडा पतंगाला पकडतो. आणि किडीच मिलन रोखल जात.