Election 2023 Poll : तुम्हाला एक्झिट पोल म्हणजे काय ते माहित आहे ?

पाच राज्यातील निवडणुकांचे एक्झिट पोल समोर आले आहेत. एक्झिट पोल काय असतात तर सर्वसाधारणपणे एखादी खाजगी कंपनी मतदानाच्या वेळी बूथवाईज सर्वेक्षण करते.

आणि त्यानुसार एक अंदाज बांधते. हा जो अंदाज असतो त्यालाच एक्झिट पोल असं म्हंटलं जातं. अशा अनेक कंपन्या आहेत ज्या निवडणुकांपूर्वीचे अंदाज ते देतात.

त्यातली काही बरोबर ठरतात. काहींचे चुकतात. पण तुम्ही म्हणाल, हे सगळं तुम्ही का सांगतायत? तर ज्या पाच राज्यात विधानसभेसाठी मतदान पार पडलं आहे, त्यातील मिझोरम वगळता चार राज्यातील एकूण लोकसंख्येपैकी ४७ टक्के जनता शेतीवर पोटापाण्यासाठी अवलंबून आहे.

आणि या चार राज्यात नाही म्हंटलं तरी या निवडणुकीत शेतीचे मुद्दे प्रत्येक पक्षाच्या जाहीरनाम्यात आले होते.

बहुतांश एक्सिट पोलवर नजर टाकली तर राजस्थान, तेलंगणा आणि छत्तीसगडमध्ये या तीन राज्यात चुरशीची लढत होईल असं दिसतंय.

तर मध्यप्रदेशमध्ये कॉँग्रेसचं पारडं जड असल्याचं बहुतांश एक्झिट पोलवरून दिसतंय. मिझोरममध्ये प्रादेशिक पक्ष मजबूत आहेत. त्यामुळं तिथलं गणित चार राज्यांपेक्षा वेगळं आहे.