पुणे ः शेतमालाला देशांतर्गत बाजारपेठ उपलब्ध व्हावी, यासाठी पणन मंडळाने सुरू केलेल्या हवाई वाहतूक अनुदान याेजनेची व्याप्ती वाढविण्यात आली आहे. हवाईबराेबर आता जहाजाद्वारे निर्यातीबराेबरच आंतरराज्य शेतमालाच्या रस्ते वाहतुकीसाठी अनुदान देण्यात येणार आहे. पणनमंत्री सुभाष देशमुख यांच्या सूचनेनुसार ही याेजना राबविण्यात येत आहे. ही याेजना शेतकरी उत्पादक कंपन्या आणि सहकारी संस्थांनाच लागू असणार आहे.   याबाबतची माहिती देताना पणन मंडळाचे कार्यकारी संचालक सुनील पवार म्हणाले, की राज्यातील शेतमालाला देशांतर्गत बाजारपेठ उपलब्ध व्हावी यासाठी पणन मंडळाच्या वतीने शेतमाल वाहतूक अनुदान याेजना राबविण्यात येत आहे. यासाठी विमान वाहतूक अनुदान याेजना सुरू झाली असून, मिझाेराममध्ये पुढील महिन्यात नाशिक येथून डाळिंब आणि कांदा पाठविण्यात येणार आहे. या याेजनेबराेबच समुद्रामार्गे शेतमाल निर्यातीसाठी प्रतिकंटनेर ३० हजार रुपयांचे अनुदान जास्तीत जास्त एक लाख रुपये दिले जाणार आहे; तर रस्ते वाहतुकीसाठी ५० टक्के अनुदान देण्याचे विचाराधिन असून, यासाठी ५०० किलाेमीटरच्या अंतराची अट ठेवण्यात येणार आहे.