पुणे : परतीचा पाऊस राज्यातून गेल्याने बहुतांशी भागांत कोरडे हवामान आहे. त्यामुळे हवेतील बाष्प कमी होत आहे. बुधवारी सकाळपासून कडक ऊन पडत असून राज्यातील बहुतांशी भागांत उकाडा वाढला असल्याचे हवामान विभागाच्या सूत्रांनी सांगितले.

सध्या राज्यातील काही भागांत आर्द्रता कमी-अधिक होत आहे. येत्या रविवार(ता. २२)पर्यंत राज्यातील काही भागांत हलका पाऊस पडेल. आज (ता. १९) राज्यात हवामान कोरडे राहील. उद्या (ता. २०) मराठवाडा, मध्य महाराष्ट्र व विदर्भात हवामान कोरडे राहील, तर कोकणात हलका पाऊस पडेल. पुणे परिसरातही काही भागांत मेघगर्जनेसह पाऊस पडण्याच शक्यता असून येत्या मंगळवार(ता. २४ पर्यंत हवामान अंशत ढगाळ राहील.

सध्या राज्यातील उष्णतेत वाढ होत आहे. त्यामुळे सकाळपासून राज्यातील बहुतांशी भागांत हवामान कोरडे राहत असून बुधवारी (ता. १८) सकाळपर्यंत कोकणातील काही ठिकाणी हलका पाऊस पडला. उर्वरित मध्य महाराष्ट्र, मराठवाडा व विदर्भात अनेक ठिकाणी हवामान कोरडे होते. बुधवारी (ता. १८) सकाळपर्यंत नागपूर येथे ३६.६ अंश सेल्सिअस कमाल तापमानाची नोंद झाली. त्याचबरोबर किमान तापमानातही एक ते दोन अंश सेल्सिअसने घट झाली आहे. पुण्यात १८.२ अंश सेल्सिअसची नोंद झाली.