पुणे : कृषी विभागाला गावाशी जोडणारे कृषी सहायक गावातच राहायला हवेत, मात्र ‘ते गावात येतच नाहीत’, ‘महिना महिना येत नाहीत’, ‘योजनांमध्ये भ्रष्टाचार होतो,’ ‘योजना पोचतच नाहीत’, ‘गावातच हजेरीसाठी त्यांना बायोमेट्रिक सुरू करा’, अशा तीव्र स्वरूपाच्या तक्रारी नेटकरी शेतकऱ्यांनी समाजमाध्यमांवर केल्या आहेत. याशिवाय कृषी सहायकांच्या रिक्त जागा भरण्याचे आवाहनदेखील केले आहे.  राज्याचे कृषिमंत्री दादा भुसे यांनी बुधवारी (ता. ५) अकोला येथे कृषी अधिकाऱ्यांच्या बैठकीत,‘कृषी सहायकांनी आठवड्यात किमान तीन दिवस गावात गेलेच पाहिजे. कृषी विभागाचे कर्मचारी आमच्या गावात येऊन योजनांची माहिती देतात, असे शेतकऱ्यांनी सांगितले पाहिजे, अशी अपेक्षा व्यक्त केली होती. या बैठकीची बातमी ॲग्रोवन फेसबुक पेजवर प्रसिद्ध होताच. नेटकरी शेतकऱ्यांनी तत्काळ त्यावर प्रतिक्रिया देत ‘कृषी विभागाला गावाशी जोडणारे कृषी सहायक गावातच रहायला हवेत असा आग्रह धरताना, मात्र ‘ते गावात येतच नाही’, ‘महिना महिना येत नाही’, अशा तीव्र स्वरूपाच्या तक्रारी केल्या आहेत. तसेच कृषी सहायकांच्या रिक्त जागा भरण्याचे आवाहन देखील केले आहे.   नेटकऱ्यांनी व्यक्त केले मुद्दे...