कुंभार पिंपळगाव, जि. जालना : कुंभार पिंपळगावसह अरगडे गव्हाण (ता. घनसावंगी) परिसरात सोमवारी (ता.७) मध्यरात्री वादळी वाऱ्यासह जोरदार पाऊस झाला. त्यामुळे खरीप हंगामातील पिकांचे नुकसान झाले आहे.

चांगली वाढ झालेल्या कापसाच्या पिकाचे पाते, फुलोरा गळून पडला आहे. झाडे व फांद्या मोडून पडल्या आहेत. बागायती पिकात ऊस आणि केळीच्या पिकांचे प्रचंड नुकसान झाले आहे.

बहरात आलेले आणि उंच वाढलेले ऊसाचे पीक भुईसपाट झाले आहे. आडव्या झालेल्या उसाच्या पिकांची साखर कारखाण्यांनी पाहणी करून गळीत हंगामाच्या सुरूवातीलाच या उसाची तोड करावी, अशी शेतकऱ्यांची मागणी आहे.