केळी करपा निर्मुलन
मुख्य बातम्या
केळीवरील करपा निर्मूलनासाठी अनुदान द्यावे
जळगाव : केळी पिकावर सातत्याने करप्याचा प्रादुर्भाव होतो. त्याच्या निर्मूलन, व्यवस्थापन व इतर कार्यवाहीसाठी जिल्हा परिषदेने अनुदान उपलब्ध करून द्यावे, असा ठराव जिल्हा परिषद स्थायी समितीच्या सभेत नुकताच करण्यात आला.
जिल्हा परिषदेतील साने गुरुजी सभागृहामध्ये ही सभा झाली. अध्यक्षस्थानी उज्ज्वला पाटील होत्या. उपाध्यक्ष नंदकिशोर महाजन, सभापती रजनी चव्हाण, पोपट भोळे, दिलीप पाटील, सदस्य कैलास सरोदे, मधुकर पाटील, ज्योती पाटील, शशिकांत साळुंखे, सरोजिनी गरुड, मनोहर पाटील, प्रताप पाटील, नानाभाऊ महाजन यांच्यासह वरिष्ठ अधिकारी उपस्थित होते.
जळगाव जिल्हा केळी पीक लागवडीत राज्यात अग्रेसर आहे. सर्वाधिक उत्पादन जळगाव जिल्ह्यात घेतले जाते. परंतु जिल्हा परिषद व इतर यंत्रणांच्या माध्यमांतून केळी पिकासाठी कुठलीही मदत, उपक्रम राबविले जात नाही. पूर्वी जिल्हा परिषदेच्या माध्यमातून करपा निर्मूलनासाठी निधी दिला जायचा. परंतु हा निधी देणे बंद झाले. हा निधी किंवा अनुदान नियमित केले जावे व जिल्हा परिषदेने करपा निर्मूलन कार्यक्रमात सक्रिय सहभाग घ्यावा, असा ठराव या सभेत करण्यात आला.
जिल्हा प्रशासन व इतर यंत्रणांसाठी ‘करपा’ दखलपात्र नाही का, असा प्रश्‍नही उपस्थित करण्यात आला. उपाध्यक्ष नंदकिशोर महाजन व इतर सदस्यांनी याबाबत विविध मुद्दे मांडले. हा ठराव करून तो जिल्हा अधीक्षक कृषी अधिकारी, जिल्हा परिषद प्रशासन व जिल्हा परिषदेच्या कृषी विभागाला सादर करण्यात आल्याची माहिती मिळाली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
Also Read
SCROLL FOR NEXT