नांदेड : प्रादेशिक सहसंचालक (साखर) कार्यालय, नांदेड विभागात गाळप हंगाम २०२१-२२ साठी चार जिल्ह्यांतील २७ कारखान्यांनी गाळप परवान्यासाठी ऑनलाइन अर्ज केले होते. यापैकी सात कारखान्यांनी एफआरपी थकविली. त्यामुळे त्यांचा गाळल परवाना राज्याच्या साखर आयुक्तांनी होल्डवर ठेवला आहे. तर इतर १९ कारखान्यांना गाळप परवाना मिळाल्याची माहिती सूत्राने दिली.

नांदेड प्रादेशिक सहसंचालक (साखर) विभागात नांदेडसह परभणी, हिंगोली व लातूर या चार जिल्ह्यांचा समावेश आहे. विभागातून गाळप हंगाम २०२१-२२ साठी चार जिल्ह्यातून २७ ऑनलाइन अर्ज आले आहेत. यात १८ खासगी, तर नऊ सहकारी साखर कारखान्यांचा समावेश आहे. अर्ज प्राप्त झाल्यानंतर राज्याच्या साखर आयुक्त कार्यालयाकडून अर्जाची पडताळणी केली. यंदा साखर आयुक्त कार्यालयाकडून एफआरी थकविणाऱ्या कारखान्यांची वर्गवारी केली होती. यानूसार कारखान्यांना गाळप परवाना देण्याची भूमिका घेतली आहे. 

सात कारखान्याकडे एफआरपी थकीत आहे. यामुळे आयुक्तांनी विभागातील आठ कारखान्याचा परवाना थांबविला आहे. यात नांदेड, लातूर, परभणी, हिंगोली या चारही जिल्ह्यातील कारखान्यांचा समावेश आहे.

परवाना ‘होल्ड’वर ठेवलेले कारखाने

  नांदेड : एमव्हीके ॲग्रो फूड लि. वाघलवाडा, सुभाष शुगर, हडसणी, कुंटूरकर शुगर्स, कुंटूर   हिंगोली :  टोकाइ सहकारी   परभणी :  रेणुका शुगर पाथरी   लातूर :  श्री साईबाबा शुगर शिवणी, पन्नगेश्वर शुगर पानगाव