सोलापूर ः पानीव (ता. माळशिरस) येथील श्रीराम कृषी अभियांत्रिकी महाविद्यालयातील विद्यार्थ्यांनी राज्यस्तरीय कृषी पदव्यूत्तर प्रवेश परीक्षेत ११ विद्यार्थ्यांनी यश मिळवले. चंद्रकांत सपकाळे (राज्यस्तरीय रँक १५) व अक्षय शिंदे (राज्यस्तरीय रँक १६) हे दोन विद्यार्थी राजस्तरीय गुणवत्ता यादीत पहिल्या पंचवीस विद्यार्थ्यांत आले.
महाराष्ट्र कृषी शिक्षण व संशोधन परिषद (एमसीएईआर) यांच्याद्वारे राज्यातील विविध कृषी विद्यापीठातंर्गत असलेल्या कृषी पदव्यूत्तर शिक्षणासाठी राज्यस्तरीय सामाईक प्रवेश परीक्षा घेतली जाते. त्या अनुषंगाने यावर्षी ही प्रवेश परीक्षा १४ ते १६ मार्च २०२० या दरम्यान घेण्यात आली. सदर परीक्षेत कृषी अभियांत्रिकी या शाखेअंतर्गत एकूण ६०० विद्यार्थ्यांनी परीक्षा दिली. त्याचा निकाल नुकताच लागला.
त्यात पानीव येथील श्रीराम शिक्षण संस्था संचलित श्रीराम कृषी अभियांत्रिकी महाविद्यालयाचे चंद्रकांत सपकाळे, अक्षय शिंदे, संदेश भिंगारे, प्रशांत तरंगे, अंकिता पवार, सौरभ मोटे, ऋषिकेश डोळे, प्रदीप शिरतोडे, प्रमोद फरांदे, प्रितम दौंडकर, भाग्यश्री मोरे असे एकूण ११ विद्यार्थी या परीक्षेत उत्तीर्ण झाले. यापैकी चंद्रकांत सपकाळे व अक्षय शिंदे यांनी अनुक्रमे १५ आणि १६ व्या रँकमध्ये यश मिळवले. महाविद्यालयाचे प्राचार्य डॉ. अमित झांबरे यांनी त्यांचे अभिनंदन केले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.