बर्फाखाली राहून थंड पाण्यातही तग धरणाऱ्या पोलर माशांमधील नैसर्गिक यंत्रणेचा अभ्यास करून वारविक विद्यापीठातील संशोधकांनी जिवाणू गोठवण्याचे नवे तंत्रज्ञान विकसित केले आहे. केवळ जिवाणूच नाही, तर मानवी अवयवही गोठवून अधिक काळापर्यंत साठविणे यातून शक्य होणार आहे. अन्न प्रक्रिया उद्योगासाठीही हे तंत्रज्ञान अत्यंत फायदेशीर ठरणार आहे. वारविक विद्यापीठातील रसायनशास्त्र विभागातील प्रा. मॅथ्यू गिब्सन यांच्या गटाने जिवाणूंच्या विविध प्रजातींना गोठविण्याचे (फ्रिज किंवा क्रायोप्रिझर्व्ह) नवे तंत्रज्ञान विकसित केले आहे. त्यामध्ये अत्यंत शीत वातावरणामध्येही गोठल्याविना राहणाऱ्या सजिवातील (अशा सजिवांना इंग्रजीत एक्स्ट्रिमोफिल्स असे म्हणतात.) प्रथिनांचा वापर केला आहे. या प्रथिनांची नक्कल केली असून, त्यातील दोन पॉलीमरचा वापर केल्यास बर्फाचे कण तयार होण्याचा वेग कमी होतो. परिणामी जिवाणूंच्या पेशी नष्ट होण्यापासून वाचतात.   

या पद्धतीचे फायदे